18.77c
Երեվան
երկ, հլս 06
Սուրիոյ Հալէպ քաղաքի «Շէյխ նաճճար» մեծագոյն արդիւնաբերական շրջանին մէջ, որ պատերազմի հետեւանքով կիսաքանդ վիճակի մէջ է, մետաղագործութեան գործարան մը բացուած է, այս մասին կը հաղորդէ «Ռիա Նովոսթի»ն:
«Քաթըրճի» ընկերութիւնը կառուցած է գործարանը, քաղաքի ազատագրումէն ետք, գրեթէ ոչնչէն: Սկսած են միայն 15 աշխատակիցներով, արտադրելով ամսական 20 թոն: Այժմ աշխատակիցներու թիւը հասած է 250ի, իսկ արտադրութիւնը՝ ամսական 200 թոնի:
«Քաթըրճի» ընկերութեան գլխաւոր մասնագէտ Սալահ Պիթար յայտնած է լրագրողներուն , որ ղեկավարութիւնը գործի ընդունած է երկիր վերադարձած գաղթականները, որոնք հետեւած են աշխատանքային յատուկ վերպատրաստման ծրագրի: Նկատի առնելով որ ծրագիրը արդիւնաւէտ եղած է, ընկերութիւնը ներգրաւած է նաեւ այլ մասնագիտութիւններու տէր մարդիկ:
Յիշեցնենք, որ Հալէպ քաղաքը ազատագրուած էր 2016 թուականին: Սուրիոյ մէջ զինեալ հակամարտութիւնները կը շարունակուին 2011 էն: «Իսլամական պետութեան» ահաբեկչական խմբաւորման դէմ յաղթանակը յայտարարուած է 2017ի աւարտին:
