19.63c
Երեվան
կրկ, հլս 05
Իրանի պաշտպանութեան նախարարի պաշտօնակատար Մաճիտ Իպն Ռեզան Թեհրանի մէջ Փաքիստանի բանակի հրամանատար, ֆելտմարշալ Սայիտ Ասիմ Մունիրի հետ ունեցած հանդիպման ժամանակ յայտնած է, որ Թեհրան պատրաստակամ է ընդլայնելու Իսլամապատի հետ համագործակցութիւնը պաշտպանութեան ոլորտին մէջ։
Իրանական IRNA լրատուական գործակալութեան համաձայն, պաշտպանութեան նախարարի պաշտօնակատարը հանդիպման ընթացքին երախտագիտութիւն յայտնած է Իսլամապատի որդեգրած սկզբունքային դիրքորոշումներուն համար՝ Իրանի Իսլամական Հանրապետութեան աջակցելու առնչութեամբ։
Ան ընդգծած է երկու երկիրներու միջեւ պաշտպանական եւ անվտանգութեան բնագաւառներու համագործակցութեան ընդլայնման, տարածաշրջանային անվտանգութեան նոր մեխանիզմներու ձեւաւորման, ինչպէս նաեւ սիոնիստական ռեժիմի սպառնալիքներու դէմ համատեղ դիմակայութեան կարեւորութիւնը։
Փաքիստանի բանակի հրամանատար Սայիտ Ասիմ Մունիրը, որ Թեհրան կը գտնուի հանգուցեալ հոգեւոր առաջնորդի յուղարկաւորութեան արարողութեան մասնակցելու նպատակով, բարձր գնահատած է Իրանի Իսլամական Հանրապետութեան հիւրընկալութիւնը եւ իր ցաւակցութիւնը յայտնած Իրանի կառավարութեան եւ ժողովուրդին։
