-2.91c
Երեվան
ուրբ, դկտ 27
Անդրանիկ Օզանյանը՝ Զորավար Անդրանիկը, ուշագրավ անձնական կյանք է ունեցել: Մայրը մահացել է, երբ նա եղել է մեկ տարեկան, Անդրանիկին խնամել է ավագ քույրը՝ Նազելին։
Անդրանիկն ամուսնացել է 17 տարեկանում՝ սակայն նրա կինը մահացել է մեկ տարի անց՝ ծննդաբերությունից հետո, մեկ օր հետո մահացել է նաեւ նրանց նորածին որդին:
Անդրանիկը երկրորդ անգամ ամուսնացել է 1921 թվականին Փարիզում, Նվարդ Քյուրքչյանի հետ։
Նրանց կնքահայրը եղել է Պողոս Նուբար Փաշան։
Հարսանիքին ներկա էին նշանավոր եւ երեւելի մարդիկ, ազգային գործիչներ: Պահպանվել է այդ օրվանից լուսանկար, նշվում է նաեւ, որ արարողության ժամանակ ոլորը բոցաշունչ ելույթներ են ունեցել, խոսել է նաեւ Անդրանիկը, ասելով, որ կինը չի կարող իրեն կաշկանդել, եթե հայրենիքի գործն առաջնային լինի, ինքը պատրաստ է ամեն ինչ թողնել եւ կրկին զինվորագրվել պայքարին:
Երկրորդ կնոջից Անդրանիկը երեխաներ չունեցավ։
Հայ ժողովրդի ամենասիրած հերոսը մահացավ իր երկրորդ ամուսնությունից 6 տարի հետո՝ 1927 թվականի օգոստոսի 30/31-ին, Չիքո (Սակրամենտոյի մոտ) քաղաքի Ռիչարդսոն Սփրինգս հանքային ջրերի առողջարանային համալիրում (ԱՄՆ)՝ սրտի կաթվածից եւ սեպտեմբերին թաղվեց Ֆրեզնոյի «Արարատ» գերեզմանատանը։ 1928 թվականի հունվարին նրա աճյունը փոխադրվեց Փարիզ եւ վերաթաղվեց Պեր-Լաշեզ գերեզմանոցում, իսկ տարիներ անց (2000) այն տեղափոխվեց Հայաստան՝ Երեւանի Եռաբլուր պանթեոն։
