22.83c
Երեվան
երք, հլս 07
8 Մայիսի առաւօտեան ՊԲ հիւսիսային ուղղութեամբ տեղակայուած զօրամասերէն մէկուն մէջ դժբախտ պատահար տեղի ունեցած է: Ըստ նախնական տուեալներու, ճանապարհափոխադրամիջոցի պատահարի հետեւանքով, զօրամասին յարակից ջրամբարին մէջ ջրահեղձ եղած են ՊԲ զինծառայողներ Ռուբէն Մնացականի Բարսեղեանը (1998-ի ծնունդ), Ռաֆայէլ Արթուրի Բիշարեանը (1997-ի ծնունդ) եւ Ռուբէն Յովհաննէսի Մնացականեանը (1998-ի ծնունդ): Որոնողական աշխատանքներու արդիւնքով յայտնաբերուած են Ռուբէն Բարսեղեանի եւ Ռաֆայէլ Բիշարեանի մարմինները: Ռուբէն Մնացականեանի ճակատագիրը պարզելու համար որոնողական աշխատանքները կը շարունակուին:
Դէպքի մանրամասները պարզելու համար կը կատարուի քննութիւն:
Արցախի Հանրապետութեան պաշտպանութեան նախարարութիւնը կը կիսէ կորստեան ծանր վիշտը եւ իր զօրակցութիւնը կը յայտնէ զոհուած զինծառայողներու ընտանիքներու անդամներուն, հարազատներուն եւ ծառայակիցներուն:
ԱՀ ՊՆ
