21.05c
Երեվան
շբթ, հլս 11
Երեւանի ժամանակով ժամը 08:50-ի դրութեամբ «Հայաստան» համահայկական հիմնադրամի Հեռուստամարաթոն 2017-ի ընթացքին հաւաքուած է 11,963,709 տոլար։
Հեռուստամարաթոն 2017-ի թեման «Բերքառատ Արցախն» է։ Հեռուստամարաթոնէն ստացուած գումարը պիտի ուղղուի երկու խոշոր ծրագիրի, նախ Արցախի տարածքին պիտի իրականացուի խորքային հորերի հորատում ու նոր ոռոգման ցանցի կառուցում, երկրորդ՝ Արցախի մէջ պիտի տեղակայուին արեւային ուժանիւթի կայաններ (solar power stations)։
Հեռուստամարաթոնը ամէն տարի կ'իրականացուի ԱՄՆ-ի Լոս Անճելըս քաղաքին մէջ։ Գործունէութեան 25 տարիներու ընթացքին Հիմնադրամը մօտ 700 000 նուիրատուներու շնորհիւ աւելի քան 50 000 ծրագիր իրականացուցած է Հայաստանի եւ Արցախի մէջ՝ ընդհանուր 350 միլիոն ԱՄՆ տոլար արժողութեամբ: Կառուցուած է, վերակառուցուած է եւ իրականացուած են աւելի քան 605 քմ ճանապարհ, 580 քմ ջրագիծ ու ջրատար, 149 քմ կազամուղ, 70 քմ ելեկտրագիծ, 359 դպրոց եւ մանկապարտէզ, 24 համայնքային կեդրոն, 500 տուն եւ բնակարան, 75 առողջապահական հաստատութիւն, 58 մշակութային ու մարզական կեդրոն, 100 ջերմոց, 169 կրթական, մշակութային ու գիտական ծրագրեր:
Նախորդ տարի «Իմ Արցախը» խորագրի ներքոյ իրականացուած հեռուստամարաթոնի ընթացքին հանգանակուած է 15 428 777 ԱՄՆ տոլար։ Գումարը ուղղուած է Արցախի տուժած բնակավայրերու վերականգնման, խաղաղ բնակչութեան անվտանգութեանն ու պաշտպանութեան ուղղուած միջոցառումներուն, Արցախի բազմազաւակ ընտանքիներուն համար առանձնատուներու կառուցման։
