image

Զերծ մնալ լարուածութիւնը սրող գործողութիւններէ. Պլինքըն կը զգուշացնէ Նաթանիահուն

Զերծ մնալ լարուածութիւնը սրող գործողութիւններէ. Պլինքըն կը զգուշացնէ Նաթանիահուն

Միացեալ Նահանգներու արտաքին գործոց նախարար Էնթընի Պլինքըն Իսրայէլի վարչապետ Բենիամին Նաթանիահուն եւ անոր կառավարութիւնը զգուշացուցած է զերծ մնալ լարուածութեան աճին նպաստող գործողութիւններէ եւ հռետորաբանութենէ, գրած է france24.com-ը:

«Վարչապետի եւ բարձրաստիճան պաշտօնեաներու հետ իմ այսօրուան քննարկման ժամանակ ես նաեւ բարձրաձայնեցի մեր խոր մտահոգութիւնը գործողութիւններու եւ հռետորաբանութեան վերաբերեալ: Խօսքը կառավարութեան պաշտօնեաներու մասին է, որոնք կը բորբոքեն լարուածութիւնը, որ կը նուազեցնէ միջազգային աջակցութիւնը եւ աւելի մեծ սահմանափակումներ կը դնէ Իսրայէլի անվտանգութեան վրայ», - լրագրողներուն ըսած է Պլինքըն:

Միեւնոյն ժամանակ Միացեալ Նահանգներու արտաքին գործոց նախարար Էնթընի Պլինքըն ըսած է, որ դեռ հնարաւորութիւն կը տեսնէ Կազայէն պատանդները վերադարձնելու վերաբերեալ համաձայնութեան գալու համար այն բանէ ետք, երբ Իսրայէլի վարչապետ Բենիամին Նաթանիահուն մերժած է հրադադարի մասին «Համաս»-ի առաջարկը: