10.09c
Երեվան
հնգ, նմբ 05
Իր սրտի խօսքին մէջ Գեղամ Արքեպիսկոպոս անդրադարձաւ երեկոյին նպատակին՝ նշելով, որ ձեռնարկէն գոյացած հասոյթը Տիկնանց Օժանդակ Մարմինը պիտի յատկացնէ Ազգային Առաջնորդարանի կիրակնօրեայ հեռատեսիլային յայտագիրին եւ անոր սարքերուն թարմացման ու բարելաւման աշխատանքներուն։
Առաջնորդ Սրբազան Հայրը նաեւ գնահատեց Տիկնանց Օժանդակ Մարմինի գործօն եւ աշխոյժ մասնակցութիւնը Ազգային Առաջնորդարանի աշխատանքներուն՝ դրուատելով անդամուհիներուն ջանասիրութիւնն ու նուիրուածութիւնը, որոնք կարեւոր ներդրում կը բերեն Առաջնորդարանի նպատակներուն իրագործման։ Իր խօսքի աւարտին ան մեծարեց Արեւմտեան Թեմի բարերարները, ծառայողներն ու աշխատանքին իրենց ներդրումը բերող բոլոր նուիրեալները՝ անոնց մաղթելով նոր թափ, կորով եւ յարատեւ յաջողութիւն։
Հայ Եկեղեցւոյ առաքելութեան զօրակցելու եւ Ազգային Առաջնորդարանի գործունէութեան սատարելու նպատակով, Արեւմտեան Թեմի Առաջնորդ Գերշ. Տ. Գեղամ Ս. Արք. Խաչերեանի հովանաւորութեամբ, Ազգային Առաջնորդարանի Տիկնանց Օժանդակ Մարմինը կազմակերպեց «Ընտանեկան ընթրիք՝ աստղերու ներքեւ» խորագիրը կրող երեկոն։ Լոս Անճելըսի մէջ տեղի ունեցած ձեռնարկը համախմբեց շուրջ 120 մասնակիցներ՝ ստեղծելով մտերմիկ ու խանդավառ մթնոլորտ մը, միաժամանակ իր հասոյթով նպաստելու Ազգային Առաջնորդարանի հեռատեսիլային յայտագիրին եւ անոր սարքերուն արդիականացման աշխատանքներուն։
Ձեռնարկը տեղի ունեցաւ ուրբաթ, 16 Հոկտեմբեր 2026-ի երեկոյեան, Լոս Անճելըսի «Կրիֆիթ Փարք» համալիրի բացօթեայ ճաշարանին մէջ։ Մասնակցեցան շուրջ 120 հոգի՝ Ազգային վարչութեան անդամներ, Արեւմտեան Թեմի բարերարներ, նուիրատուներ, ընտանիքներու անդամներ եւ Հայ Եկեղեցւոյ առաքելութեան հաւատացող հարազատներ ու բարեկամներ։
Մտերմիկ եւ ուրախ մթնոլորտի մէջ ընթացած երեկոյին բացման խօսքը արտասանեց կազմակերպիչ յանձնախումբի անդամ Տիկին Մարալ Գլըճեան։ Առաջնորդ Սրբազան Հայրը օրհնեց սեղանները, ապա ներկաները վայելեցին համադամ խորտիկներ եւ երեկոյին ընթացքին իրենց գնահատանքը յայտնեցին նաեւ ինքնաբուխ նուիրատուութիւններով։
Աստղազարդ երկինքին տակ կազմակերպուած այս ձեռնարկին գեղարուեստական յայտագիրը ճոխացուցին ջութակահար Շանթ Դանիէլեան, քանոնահար Ալիսիա Քէօշկէրեան եւ երեկոյին անակնկալ հիւրը՝ պուզուքահար Յակոբ Մարգարեան։ Հայկական եւ օտար պարեղանակներով երաժիշտները խանդավառեցին ներկաները՝ անոնց մոռցնել տալով աշխատանքային օրերու հեւքն ու շաբաթուան յոգնութիւնը։
Իր սրտի խօսքին մէջ Գեղամ Արքեպիսկոպոս անդրադարձաւ երեկոյին նպատակին՝ նշելով, որ ձեռնարկէն գոյացած հասոյթը Տիկնանց Օժանդակ Մարմինը պիտի յատկացնէ Ազգային Առաջնորդարանի կիրակնօրեայ հեռատեսիլային յայտագիրին եւ անոր սարքերուն թարմացման ու բարելաւման աշխատանքներուն։
Առաջնորդ Սրբազան Հայրը նաեւ գնահատեց Տիկնանց Օժանդակ Մարմինի գործօն եւ աշխոյժ մասնակցութիւնը Ազգային Առաջնորդարանի աշխատանքներուն՝ դրուատելով անդամուհիներուն ջանասիրութիւնն ու նուիրուածութիւնը, որոնք կարեւոր ներդրում կը բերեն Առաջնորդարանի նպատակներուն իրագործման։ Իր խօսքի աւարտին ան մեծարեց Արեւմտեան Թեմի բարերարները, ծառայողներն ու աշխատանքին իրենց ներդրումը բերող բոլոր նուիրեալները՝ անոնց մաղթելով նոր թափ, կորով եւ յարատեւ յաջողութիւն։
