15.09c
Երեվան
չրք, սպտ 18
Ուաշինկթընը եւ Պաղտատը պատրաստ են բանակցութիւններ նախաձեռնելու Իրաքի մէջ տեղակայուած ԱՄՆ գլխաւորութեամբ միջազգային դաշինքի ուժերը դուրս բերելու եւ «այն երկկողմ յարաբերութիւններով փոխարինելու շուրջ»։ Այս մասին յայտնած է Reuters-ը՝ վկայակոչելով իր չորս աղբիւրները։
Ըստ աղբիւրներու՝ Իրաքի մէջ ԱՄՆ դեսպան Ալինա Ռոմանովսքին յունուար 24-ին նամակ յանձնած է հանրապետութեան արտաքին գործոց նախարար Ֆուատ Հուսէյնին, որուն մէջ ԱՄՆ-ն հրաժարած է այն նախապայմանէն, որ ուժերու դուրսբերումէն առաջ նախ պէտք է դադրին իրաքեան աշխարհազօրային խումբերու յարձակումներն ԱՄՆ ուժերու դէմ։
Իր հերթին Իրաքի ԱԳՆ-ն յայտնած է, որ ստացած է «կարեւոր» նամակ, որ պիտի ուսումնասիրէ վարչապետ Մուհամետ ալ Սուտանին։ Նախարարութիւնը մանրամասներ չէ յայտնած։
