11.09c
Երեվան
երք, մյս 14
Ամերիկայի Միացեալ Նահանգներու Քոնկրեսի անդամ Ատամ Շիֆը կարծիք յայտնած է, որ Միացեալ Նահանգներու կողմէ Հայոց ցեղասպանութեան ճանաչումէն եւ դատապարտումէն ետք պէտք է ըլլան իրական հետեւանքներ, քանի որ միայն խիստ յայտարարութիւններ ընելու ժամանակը վաղուց անցած է։
Այս մասին ան յայտարարած է Հայոց ցեղասպանութեան զոհերու յիշատակին, ինչպէս նաեւ Հայաստանին ու Լեռնային Ղարաբաղին նուիրուած՝ «Արդարութիւն յանուն ցեղասպանութեան» միջոցառման ընթացքին։
«Մինչ մենք կ՚ոգեկոչենք Հայոց ցեղասպանութեան 109-րդ տարելիցը՝ երբեք չկրկնուելու խոստումներով, ժողովրդավար եւ խաղաղ հայ ժողովուրդը կը բախի իր ամենամութ օրերը յիշեցնող սպառնալիքներու: Վարչակազմի կողմէ միայն խիստ յայտարարութիւններով հանդէս գալու ժամանակը վաղուց անցած է։ Դատապարտման պէտք է հետեւին իրական հետեւանքներ»,- ընդգծած է քոնկրեսականը՝ համոզմունք յայտնելով, որ մարդկութեան դէմ յանցագործութիւնները չեն կրնար անտեսուիլ եւ չեն կրնար անպատասխան մնալ։
