20.81c
Երեվան
չրք, հլս 01
Ամերիկայի Միացեալ Նահանգներու գաղտնի սպասարկութեան CIA-ի գլխաւոր պատասխանատու Տանի Քոթս երէկ ուշագրաւ յայտարարութիւններ ըրած է Քոնկրէսի առջեւ ընթացող լսումներուն ըթացքին:
Ան մասնաւորապէս նշած է, որ Սուրիոյ նախագահ Պաշշար Ասատ ընթացիկ 2019 տարուան ընթացքին պիտի կարողանայ իր տիրապետութեան տակ առնել բոլոր այն շրջանները, որոնք ներկայիս կը գտնուին Սուրիոյ իշխանութեան տիրապետութենէն դուրս:
Տան Քոթս նաեւ նշած է, որ Սուրիոյ իշխանութիւնը ամէն ինչ պիտի ընէ, հեռու մնալու համար Իսրայէլի եւ Թուրքիոյ հետ որեւէ զինուորական բախումէ:
Քոթս նաեւ նշած է, որ յառաջիկայ փուլին շատ հաւանական է, որ Ասատ իր տիրապետութեան տակ առնէ Իտլիպը, որ ներկայիս կը համարուի ահաբեկիչ զինեալներու գլխաւոր կեդրոնատեղին:
Յիշեցնենք, որ այս յայտարարութիւնները տեղի կ'ունենան այն պահուն, երբ արաբական մէկէ աւելի մայրաքաղաքներ դրական նշաններ կ'ուղարկեն պաշտօնական Դամասկոսին:
