22.09c
Երեվան
շբթ, մյս 09
Լիբանացի քաղաքական գործիչներ այսօր կը փութան նոր կառավարութեան կազմութեան գծով կայացուելիք խորհրդակցութիւններուն։
Այս մասին տեղեկութիւնը հաղորդեց «Էլ. Պի. Սի. Այ.» կայանը նշելով, որ նորանշանակ վարչապետ Հասաան Տիապ Խորհրդարանին մէջ պիտի ընդունի քաղաքական գործիչներ, երեսփոխանական պլոքներու ներկայացուցիչներ եւ նախկին վարչապետներ խորհրդակցելու համար նոր կառավարութեան կազմութեան ընդհանուր ձեւաչափին մասին։
Խորհրդարան առաջին հասնողներէն եղած են խորհրդարանի նախագահ Նէպիհ Պըրրի, նախկին վարչապետներ Սաատ Հարիրի եւ Թամմամ Սալամ, որոնք բոլորն ալ հանդիպում ունեցան վարչապետ Հասաան Տիապին հետ։
Նշենք, որ այսօրուան խորհրդակցութիւնները պարտադիր խորհրդակցութիւններ չեն եւ անոնք պիտի տեւեն մինչեւ այսօր երեկոյ։
Լուսանկարը ՝ Պաապտայի նախագահական պալատ, ուր նախագահ Աուն եւ Խորհրդրանի նախագահ Նէպիհ Պըրրի հանդիպում կ՚ունենան նորանշանակ վարչապետ Հասսան Տիապին հետ։
