image
Հրատապ լուրեր:

«Այսօր Հայաստան կանգնած է գոյատեւման լուրջ վտանգի առջեւ».Յարութ Պռոնոզեան

«Այսօր Հայաստան  կանգնած է  գոյատեւման  լուրջ վտանգի առջեւ».Յարութ  Պռոնոզեան

«Որեւէ յառաջդիմութեան  հասնելու  համար մարդ պէտք է երեւակայութիւն ունենայ, երեւակայութիւնը ծրագրաւորում կը նշանակէ, եթէ երեւակայութեան պակաս ունենանք ըլլայ գիտութեան, տնտեսութեան ու մարդկային յարաբերութիւններու մէջ,  կը ձախողինք»  այս մասին օրերս  ըսած է  Ամերիկահայ       հասարակական գործիչ՝ Յարութ  Պռոնոզեան։

 

 

 Պռոնոզեան, որ խօսած է  «Նոյան Տապան»  գործակալութեան    անդրադարձած է   ներգաղթի թեմային ու այդ առումով իր կողմէ  հնչած  կոչերուն  եւ     ըսած,   որ  այդ  կոչերուն   նպատակը եղած է  Հայաստան-Սփիւռք կապերու զօրացումը, նկատի առնելով, որ այսօր հայերու մեծամասնութիւնը կ՚ապրի սփիւռքի մէջ:  Ան   այդ  առումով ըսած է,«Ես ներգաղթ ըսելով, կ'ուզեմ աւելի կեդրոնանալ մասնագիտական  հմտութիւններ  ունեցող  ուժերուն վրայ, անոնք որոնք կարող են արդիւնաւէտ գործ ընել Հայաստանի մէջ: Հայաստանը պէտք է օգտագործէ սփիւռքի ներուժը»:

Պռոնոզեան անդրադառնալով  այսօրուայ իշխանութիւններու դերին, մասնաւորապէս ըսաւ թէ  իշխանութիւնները պէտք է լաւ կշռէին եւ տեսնէին, թէ ինչ ուժ կը ներկայացնէ Սփիւռքը, մտային, նիւթական, քաղաքական: Ապա Սփիւռք-Հայաստան կապ ստեղծուէր, կազմակերպ ու հետեւողական, «ամէն տարի յստակ տեղեկատուութիւն պէտք է տրուի թէ ինչ պէտք է ըլլար, ինչ եղած է եւ ինչու չէ եղած»:

 Ըստ Պռոնոզեանին   մասնաւորապէս գիտական գետնի   Սփիւռքի հարցերով  զբաղուող  յանձնակատարութիւնը(անցեալին  նախարարութիւն) պէտք է  հանրութեան   ներկայացնէր,   թէ  ինչ  կապեր կարողացած է  ստեղծել  տարբեր երկիրներու մէջ  գործող    հայ մասնագէտներու հետ,  սփիւռքեան   ներուժի  որ տոկոսը օգտագործուած   եւ ի վերջոյ   այդ առումով ալ պէտք է մշակուի յատուկ քաղաքականութիւն։

 Ըստ Պռոնոզեանի «Երկու կողմէն ալ մտածող մարդիկ պէտք է աշխատին, իսկական հայրենասէր մարդիկ պէտք է ըլլան տարբեր պաշտօններու վրայ, որովհետեւ ասիկա կը նմանի արտաքին յարաբերութիւններու ստեղծման,  եւ  այդ ուղղութեամբ  մենք գրեթէ ոչինչ կ'ընենք»:  

 Խօսելով  այսօրուան քաղաքական իրավիճակին մասին Պռոնոզեան մասնաւորապէս ըսաւ, «Մեր երկիրը կը գտնուի տարածաշրջանի մը մէջ, երկու թուրք զօրեղ պետութիւններու միջեւ, եւ մենք անհոգ կերպով ներքին պայքարներով կը զբաղինք,     անցեալի  երեք  եւ   այսօրուան իշխանութիւնները փոխանակ  երկիրը եւ  հասարակութիւնը միացնեն   բաժանում կը  ստեղծեն եւ կը պառակտեն մեր երկիրը։  Ազգային գաղափարախօսութիւն  հիմք ընդհանրապէս  չկայ, հետեւաբար  մենք  կանգնած  ենք    այս շրջանին մէջ  մեր գոյատեւումը   ապահովելու   լուրջ վտանգներուն  առաջ: Եթէ մենք ներքնապէս մեր  ամբողջական կարելիութիւնը, մասնագէտները, մեր բոլոր ուժերը քով-քովի չբերենք եւ միասնաբար չաշխատինք, ձախողութեան պիտի մատնուինք: Բաժանումներ ստեղծելը հակառակ է մեր ժողովորդի շահերուն, եւ  խօսելու  փոխարէն   պէտք է    գործենք»:

Ինչ կը վերաբերի այն քայլին, թէ ներկայ իշխանութիւնը հրաւիրած է սփիւռքէն մարդիկ կարգաւորելու յարաբերութիւնները, ան նշեց.- « Հիմա տարբեր երիտասարդ մասնագէտներ նշանակուած են տարբեր նախարարութիւններու մէջ, սակայն նախքան սփիւռքէն մասնագէտներ բերելը Հայաստան, պէտք է յիշել որ Հայաստանի նախարարութիւններուն մէջ կան արդէն մասնագէտներ, որոնք չեն     չեն  գործեր , այսինքն դուրսէն մարդուժի   ապահովումը   առանց ներսինի ներդրումին կը նկատուի միայն ցուցադրական արարք»։

 

Անդրադառնալով Հայաստանի ներկայ իշխանութեան վերաբերմունքին, մանաւանդ ղարաբաղեան պատերազմի պարտութենէն ետք, Պռոնոզեան ըսած  է,  թէ «Այս իշխանութիւնը  հայերու հետ կապ չունի, անոնց ապազգային քաղաքականութիւնը առաջին օրէն ցուցաբերուեցաւ: Անոնք իշխանութեան եկան իբրեւ թէ բարեփոխումներ կատարելու, որովհետեւ յեղափոխութիւնը այդ կը նշանակէ, բայց փոխանակ բարելաւելու աւելի վատթարացուցին վիճակը»:

Իսկ ներկայ քաղաքական ճգնաժամին ու սփիւռքի դերակատարութան մասին անդրադառնալով ան  Պռոնոզեան ըսաւ «Ներկայիս երկու մասի բաժնուած ենք, նոյնիսկ սփիւռքի մէջ, չկայ այն միացնող ուժը,  որուն շնորհիւ  կարողանանք մեր երկիրը զարգացնել եւ  իսկապէս  ունենալ ազատ եւ անկախ երկիր մը»։