25.42c
Երեվան
ուրբ, հլս 10
Հինգշաբթի, 28 Սեպտեմբերի յետմիջօրէի ժամը 3ին, N զօրամասի պահպանութեան շրջանի մարտական դիրքին ուղղութեամբ հակառակորդին կողմէ արձակուած կրակոցին իբրեւ հետեւանք գլուխէն մահացու գնդակ ստացած է պարտադիր ժամկէտային զինուոր, կրտսեր սերժանտ Սէյրան Մանուէլի Սարգսեան:
Երկրորդ կայազօրային քննչական բաժինը յարուցած է քրէական գործ՝ ազգային, ցեղային կամ կրօնական ատելութեան կամ կրօնական մոլեռանդութեան շարժառիթով սպանութիւն կատարելու այս դէպքին առիթով:
Նահատակ զինուոր Սէյրան Սարգսեան Տաւուշի մարզի Թեղուտ գիւղէն էր: Ան բանակ զօրակոչուած էր անցեալ տարի:
19ամեայ Սէյրանը նիւթապէս անապահով ընտանիքէ էր. եղբայրը տարի մը առաջ մահացած էր:
Նշենք, որ նախագահ Բակօ Սահակեան յետ մահու «Մարտական ծառայութիւն» շքանշանով պարգեւատրեց Սէյրան Սարգսեանը:
