28.09c
Երեվան
երկ, հլս 06
Գերմանիան Եւրոպական Միութեան խորհուրդին յայտնած է, թէ աւարտած է Հայաստան-ԵՄ համապարփակ եւ ընդլայնուած գործողութիւններու համաձայնագրի վաւերացման համար անհրաժեշտ ներպետական ընթացակարգերը։
Այս մասին «Ֆեյսբուք»-ի իր էջի վրայ գրած է Հայաստանի Հանրապետութեան արտաքին գործոց նախարարի մամուլի խօսնակ Աննա Նաղդալեանը:
«23 Օգոստոսին Գերմանիան ԵՄ խորհուրդին յայտնած է Գերմանիոյ կողմէ ՀՀ- ԵՄ համապարփակ համաձայնագրի վաւերացման համար անհրաժեշտ ներպետական ընթացակարգերու աւարտը»,- գրած է Նաղդալեանը:
Յիշեցնենք, որ ՀՀ-ԵՄ Համապարփակ եւ ընդլայնուած գործընկերութեան համաձայնագիրը ստորագրուած է Պրիւքսէլի մէջ 24 Նոյեմբեր 2017-ին: Համաձայնագիրը վաւերացուցած են Պուլկարիան, Դանիան, Էստոնիան, Լիթվանիա, Լատվիան, Լիւքսեմպուրկը, Մալթան, Լեհաստանը, Ռումանիան, Գերմանիան, Ֆինլանդիան, Հունգարիան, Շուէտը, Սլովաքիան եւ Կիպրոսը: Համաձայնագիրը վաւերացուցած է նաեւ Հայաստանը։
