16.09c
Երեվան
երկ, հնս 01
Երէկ երեկոյեան, կառավարական առանձնատան մօտ բողոքի արշաւ տեղի ունեցած է՝ ի աջակցութիւն սիւնեցիներու, որոնց Փաշինեանը սպառնացած էր պատժել:
Կառավարական առանձնատան մօտ վիճակը լարուած է, ոստիկաններու եւ արշաւի մասնակիցներու միջեւ հրմշտոց եւ քաշքշուկ սկսած է, երբ հաւաքի մասնակիցները հաւկիթներ շպրտած են կառավարական առանձնատան ուղղութեամբ:
Ոստիկանները արագ մտած են բազմութեան մէջ, որպէսզի բերման ենթարկեն հաւկիթները նետողները, հաւաքուածները փորձած են թոյլ չտալ, որ բերման ենթարկեն մարդոց, որու հետեւանքով սկսած է քաշքշուկը: Կարմիր բերետաւորները, այդուհանդերձ, յաջողած են ոմանց մտցնել ոստիկանական մեքենայ: Հաւաքուածները շրջապատած են ոստիկանական մեքենան եւ պահանջած են ազատ արձակել մէջը գտնուողները: Սակայն ոստիկանական մեքենան կրցած էր դուրս գալ տարածքէն:
Նշենք, որ քաշքշուկի ժամանակ այդ տարածքով անցնող մեքենաները ազդանշաններով աջակցութիւն յայտնած էին հաւաքուած քաղաքացիներուն:
