18.77c
Երեվան
հնգ, հլս 02
Թալանի նպատակով յարձակման ենթարկուած սուրիահայ Ճօրճ Սարգիսեանը սպաննուած է։ Այս մասին «Արեւելք» տեղեկութիւն ստացաւ Հալէպի իր աղբիւրէն։
Մեր աղբիւրը նաեւ հաղորդեց, թէ Ճորճ Մահրատա շրջանի բանակիչներէն է, յարձակման ենթարկուած է անծանօթներու կողմէ, որոնք փորձած են թալանել ու ապա կրակ բանալով տեղւոյն վրայ սպաննած են հայորդին։
Կը նշուի նաեւ, որ դէպքը պատահած է Սըքըլպիա շրջանին մէջ, որ կը գտնուի Համա քաղաքի հարեւանութեամբ։
Մեր աղբիւրը նաեւ հաղորդեց, որ այսօրուան դրութեամբ Մահրատայի մէջ կ՚ապրին հայ ընտանիքներ, որոնք երկար տարիներէ ի վեր կայք հաստատած են այդ շրջաններուն մէջ։
Կը հաղորդուի նաեւ, որ հայազգի երիտասարդին թաղման կարգն ու յուղարկաւորութիւնը տեղի ունեցած են շրջանին մէջ գործող յոյն ուղղափառներու պատկանող եկեղեցւոյ մը մէջ։
