Արեվելք - Արևելք լրատուական

590
12/12/2021

«Նորմալ» աշխարհի կանոնները եւ .. մենք

Կրնանք շատ բաներ, մի քանի հարիւր էջեր կարդալ Հայաստանի այժմու կացութեան մասին: Սակայն այս պահին հիմնականը, «պարզապէս», հետեւեալն է:

Թուրքերը, Թուրքիան՝ Ադրբեջանին միացնող, միջանցք մը կ'ուզեն:

Այսինքն, նոր կառուցուելիք, յատուկ եւ ուրոյն, բացառիկ եւ բացառեալ, transitի ճանապարհ մը: Որ՝ կը սկսի մէկ (պաշտօնապէս) թրքական տարածքէն եւ ուղղակի կ'երթայ մինչեւ միւսը: Եւ որ, Հայաստանի պետական վերահսկողութենէն՝ դուրս է:

Այդ ճամբան պիտի ըլլայ ուրեմն՝ Թուրքիոյ եւ/կամ Ադրբեջանի տարածք, Հայաստանի մէջէն անցնող: Բառացիօրէն՝ Թուրքիա, Հայաստանի մէջ:

Թրքական այս պահանջքին դիմաց, Հայաստանի կառավարութիւնը ասում է՝ No Way Jose !

Ասըմ ա՝ հա, Հայաստանի իր ունեցած ճամբաները կը տրամադրէ ձեզի: Նոյնիսկ նոր ճամբաներ ալ կրնան բացուիլ: Սակայն բայց բոլորը պիտի մնան՝ Հայաստանի գերիշխանութեան ներքոյ, նրա վերահսկողութեան տակ: Հայկական հող, որուն վրայէն թուրքերը իրաւունք կ'ունենան երթեւեկելու: Առանց որեւէ թրքական պետական սեփականութեան իրաւունքի:

Հետեւաբար, թուրքերը շարունակում են իրենց յարձակումը, ռազմական ներխուժումը, Հայաստան-Ադրբեջան արեւելեան ռազմաճակատին վրայ:

Կամ՝ այդ միջանցքը կ'ունենան, կամ... ասանկ կը շարունակեն:

Այս է, իրենց կեցուաքը:

Բնաւ յստակ չէ թէ, այս կացութեան մէջ, Հայաստանի կառավարութեան planը, ծրագիրը, ի՞նչ է:

Սոյն կառավարութեան հաշիւը,

կամ այն է որ՝ Ռուսաստանը թող զբաղուի այս խնդրով,

կամ ալ՝ թուրքերը թող հասկնան որ, ամէն դէպքում, it's just not gonna happen. եւ ուրեմն, թող հրաժարին իրենց այդ պահանջէն:

Մինչ այդ, Հայաստանը պիտի զբաղուի... ուրիշ նիւթերով: Տնտեսութիւն-մնտեսութիւն, ներքին այլազան խնդիրներ, եւ անշուշտ ու մանաւանդ՝ Ժողովրդավարութեան օրինակելի առաջընթաց, Անդրկովկասի մէջ - եթէ ոչ համայն Աշխարդհի համար - :

Արգիլուած չէ մտածելը որ Փաշինյանը... տեղի պիտի չտայ:

Թէ, նա պիտի մերժէ այդ միջանցքը շնորհել թուրքերուն:

Խի՞:

Քանզի անհնար է զիջումի մղել մէկը, որ համոզուած է թէ կորսնցնելիք չունի:

Արդարեւ, գոնէ իր իւրայատուկ գլուխին մէջ, այս էճեյիպ հէրիֆը համոզուած է որ՝ Հայաստանը այլեւս բան չունի կորսնցնելիք:

Արցախը՝ գնաց արդէն, վսյո՛:

Եւ Ռուսաստանը - կամ... ուրիշ պետութիւններ -, թոյլ պիտի չտան որ Հայաստանն ալ բռնագրաւուի թուրքերուն կողմէ:

Ուրեմն հիմա, ինք կրնայ լրիւ անզիջող լինել:

Քանի որ արդէն ամէն բան յանձնուեցաւ: Զիջելու բան չմնա՛ց:

Ուրեմն տեղի պիտի չտայ, քանի որ տեղ չմնաց՝ տեղի տալու:

Հետաքրքրական մօտեցում է...

Մինչեւ հիմա, Փաշինյանին անմրցելի հայվանութիւնը, միմիայն մեզի, Հայութեան վնաս բերաւ: