26.69c
Երեվան
երկ, հլս 06
Միացեալ Նահանգները պաշտօնապէս հրաժարած է՝ Թուրքիոյ Patriot զէնիթահրթիռային համալիրներ վաճառելու առաջարկէն: Այս մասին յայտարարած է CNN-ը:
Անոր խօսքով` ԱՄՆ իշխանութիւնը թրքական կողմը զգուշացուցած էր, որ իրենց առաջարկը կը չեղարկուի, եթէ Անգարան ընդունի ռուսական C-400-ի գնման տարբերակը: «Մեր առաջարկը Patrioti վերաբերեալ սպառած է»,- նշած է պետական քարտուղարութեան ներկայացուցիչը:
Աւելի վաղ Թուրքիան յայտարարած էր, որ ռուսական C-400 զէնիթահրթիռային համակարգը կը գերազանցէ ամերիկեան Patriot-ը:
Յիշեցնենք, որ 12 յուլիսին ռուսական C-400 համակարգերու առաջին խմբաքանակը մատակարարուած է Թուրքիա: ԱՄՆ խումբ մը սենաթորներ կոչ ըրած էին նախագահ Թրամբին պատժամիջոցներ սահմանել Թուրքիոյ դէմ` ռուսական C-400-ներու մատակարարման մեկնարկի առնչութեամբ:
Միեւնոյն ժամանակ, Թուրքիոյ նախագահ Էրտողանը C-400 համակարգերու մատակարարման գործարքը Ռուսաստանի հետ երկրի ժամանակակից պատմութեան կարեւորագոյն համաձայնագիր անուանած է: Էրտողանի խօսքով՝ C-400-ներու մատակարարման գործընթացը, որ մեկնարկած է 12 յուլիսին, կրնայ աւարտիլ 2020-ի ապրիլին:
