24.87c
Երեվան
ուրբ, հնս 19
Օրեր առաջ Սուրիոյ Հասաքէ քաղաք ամերիկեան զէնքի նոր խմբաքանաք մը հասած է, զոր ստացած են քրտական Ժողովրդավարական միութիւն կուսակցութեան անդամները, կը գրէ «Ալ Տիար» լրատուական կայքը:
Վերջիններս, զէնքերու ստացման առթիւ, քաղաքի տարբեր թաղամասերուն մէջ ռազմական շքերթ կազմակերպած են, որուն լուսանկարներու տարածումէն ետք թրքական մամուլին մէջ մեծ աղմուկ բարձրացած է:
Թրքական «Ենի շաֆաք» թերթին փոխանցմամբ, ԱՄՆ, որ
14 նոյեմբերին 73 ռազմասայլ յանձնած էր «PKK»ի թեւերէն մէկը համարուող «PYD»ին, նոյն ամսուայ 19-ին եւս 65 ռազմասայլ ուղարկած է Հասաքէ:
Թերթը նշած է նաեւ, որ հակառակ Սուրիոյ եւ Իրաքի մէջ «Իսլամական Պետութիւն» ահաբեկչական խմբաւորման կրած պարտութեան, որուն դէմ պայքարի պատրուակով ԱՄՆ զէնք կը տրամադրէր «PYD»ին, տակաւին նոյն թափով կը շարունակուի զէնքի տրամադրումը:
Նշենք նաեւ, որ օրեր առաջ, Թուրքիոյ նախագահ ԷՐտողան իր ճառերէն մէկուն մէջ սուր քննադատութեան ենթարկելով ԱՄՆ-ն ըսած էր. «Դժբախտաբար դաշինքի յարաբերութիւններու ծիրին մէջ լուծելի խնդիրներուն մեծ մասը ԱՄՆ-ի կողմէ փակ ճանապարհ կ'առաջնորդուի»:
