18.72c
Երեվան
ուրբ, հնս 19
Ամերիկայի Արեւելեան Թեմին պատկանող Սուրբ Գրիգոր Լուսաւորիչ մայր եկեղեցւոյ հոգեւոր հովիւ Արժանապատիւ Տէր Մեսրոպ Աւագ Քահանայ Լագիսեան իր ազգանուէր ծառայութեամբ եւ համայնքակերտ առաքելութեամբ կը շարունակէ համախմբել հայորդիները՝ եկեղեցին վերածելով հոգեւոր եւ ազգային հարազատ օճախի։
Այս ոգիին մէջ, անցնող 9 Յունիսին, Տէր Հայրը ընդունեց Այնճարէն սերած եւ Ֆրեզնոյի հայ համայնքին մէջ շուրջ յիսուն տարիէ ի վեր նուիրումով ծառայող Տէր Գալուստեան եղբայրները եւ անոնց տիկինները, որոնք յատուկ այցելութեամբ ժամանած էին Սուրբ Գրիգոր Լուսաւորիչ մայր տաճար։
Այցելութիւնը վերածուեցաւ եղբայրական ջերմ հանդիպումի մը՝ վկայելով, որ համայնքային նուիրումն ու հոգեւոր կապերը կը շարունակեն ամրապնդել սփիւռքահայ կեանքի միասնականութիւնը։
Ամերիկայի Արեւելեան Թեմին պատկանող Սուրբ Գրիգոր Լուսաւորիչ մայր եկեղեցւոյ հոգեւոր հովիւ Արժանապատիւ Տէր Մեսրոպ Աւագ Քահանայ Լագիսեան տարիներէ ի վեր ոչ միայն հաւատացեալներու հոգեւոր սպասաւորն է, այլեւ հայ ազգային արժէքներու պահպանման ու համայնքային կեանքի զօրացման նուիրեալ մշակ մը։ Ան իր ծառայութեամբ շարունակաբար կը նպաստէ եկեղեցւոյ շուրջ համախմբուած մեծ ընտանիքի ամրապնդման եւ սերունդներու միջեւ կապերու պահպանման։ Այս նուիրեալ առաքելութեան գնահատանքի եւ բարեկամական ջերմութեան մթնոլորտին մէջ, անցնող 9 Յունիսին ընդունած է Անճարէն սերած եւ Ֆրեզնոյի հայ համայնքին մէջ շուրջ յիսուն տարիէ ի վեր աշխոյժ ու նուիրեալ մասնակցութիւն ունեցող Տէր Գալուստեան եղբայրները։
Հիւրերը իրենց տիկիններուն հետ, այցելած են Սուրբ Գրիգոր Լուսաւորիչ մայր տաճար՝ իրենց բարեմաղթութիւնները փոխանցելու Տէր Մեսրոպ Աւ. Քհնյ. Լագիսեանին եւ տաճարի ընտանիքին։
Երեքշաբթի, Յունիս 9-ին, Պրն. եւ Տիկ. Վարդգէս եւ Մայտա Տէրգալուստեան, ինչպէս նաեւ Պրն. եւ Տիկ. Նշան եւ Արուսեակ Տէրգալուստեան այցելած են Սուրբ Գրիգոր Լուսաւորիչ մայր տաճար։ Անճարի զաւակ հանդիսացող Տէր Գալուստեան եղբայրները եւ իրենց կողակիցները, որոնք Ֆրեզնոյի մէջ շուրջ յիսուն տարիէ ի վեր եղած են համայնքային կեանքին նուիրուած եւ աշխոյժ մասնակիցներ, այս յատուկ այցելութեամբ եկած էին իրենց անկեղծ բարեմաղթութիւններն ու գնահատանքը յայտնելու Տէր Մեսրոպ Աւ. Քհնյ. Լագիսեանին եւ Սուրբ Գրիգոր Լուսաւորիչի ընտանիքին։
Այցելութեան ընթացքին Տէր Հայրը հիւրերուն ներկայացուց մայր տաճարը եւ անդրադարձաւ անոր հարուստ պատմական նշանակութեան՝ շեշտելով եկեղեցւոյ դերակատարութիւնը հայ հոգեւոր եւ ազգային կեանքին մէջ։ Հանդիպումը անցաւ ջերմ ու եղբայրական մթնոլորտի մէջ՝ վերահաստատելով Անճարի զաւակներուն եւ սփիւռքեան տարբեր համայնքներուն միջեւ պահպանուած հարազատ կապերն ու փոխադարձ գնահատանքը։
