30.8c
Երեվան
ուրբ, հնս 19
Զուիցերիոյ Պիւրկենշթոք լեռնային հանգստավայրին մէջ Յունիս 19-ին Միացեալ Նահանգներու եւ Իրանի միջեւ նախատեսուած բանակցութիւնները տեղի պիտի չունենան։ Այս մասին յայտարարած է Զուիցերիոյ արտաքին գործոց նախարարութիւնը։
Յայտարարութիւնը տարածուած է այն բանէ ետք, երբ Սպիտակ տան խօսնակը գիշերը յայտնած էր, թէ ԱՄՆ փոխնախագահ Ճէյ Տի Վենսը հրաժարած է Յունիս 19-ին Զուիցերիոյ մէջ իրանցի բանակցողներու հետ նախատեսուած հանդիպումէն, որու նպատակը Թեհրանի եւ Ուաշինկթընի միջեւ պատերազմը դադրեցնելու համաձայնագրի գործադրութեան շուրջ քննարկումներու մեկնարկն էր։
ԱՄՆ-ի եւ Իրանի միջեւ փոխըմբռնման յուշագիրը ստորագրուած է Յունիս 18-ի գիշերը։ Փաստաթուղթին համաձայն՝ կողմերը կը դադրեցնեն ռազմական գործողութիւնները բոլոր ճակատներուն վրայ եւ կը բանան Հորմուզի նեղուցը։ Բացի այդ, 60 օրուան ընթացքին երկու երկիրները պէտք է համաձայնեցնեն վերջնական համաձայնագիրը, որ թոյլ պիտի տայ լուծել ամէնէն հրատապ հարցերը։ Անոնցմէ գլխաւորը Իրանի միջուկային ծրագիրին վերաբերող հարցն է։
