31.2c
Երեվան
ուրբ, հնս 19
«Հըզպալլա»ի առաջնորդ Սէյիտ Հասան Նասրալլա Թեհրան կ՚այցելէ։ Այս մասին տեղեկութիւնը յայտնի դարձաւ, երբ Իրանի Իսլամական Հանրապետութեան հոգեւոր առաջնորդ ՝Սէյիտ Ալի Խամէնիյիի պաշտօնական էջը հրապարակեց լուսանկար մը, ուր հոգեւոր առաջնորդին կողքին կ՚երեւի Սէյիտ Նասրալլան եւ Իրանի «Յեղափոխութեան պահակներ»ու ղեկավար գլխաւոր ղեկավար զօր. Քասէմ Սուլայմանին։ Յիշեցնենք, որ ապահովական բարդ պայմաններու մէջ ապրող Նասրալլայի սոյն այցը երկար ժամանակէ ի վեր կը համարուի առաջինը։
2006-ին Իսրայէլի կողմէ Լիբանանի դէմ շղթայազերծուած 33-օրեայ պատերազմէն ետք Նասրալլա իր կուսակցութեան վերնախաւին որոշումով անցած էր ընդհատակ եւ ան շատ հազուագիտ առիթներով է միայն կ՚երեւի հանրութեան մէջ։
Ճշմարտացի փաստ է, որ Հասան Նասրալլյի ղեկավարութեան օրերուն «Հըզպալլա»ն դարձաւ, ոչ միայն ներ-լիբանանեան կարեւոր խաղացող մը, այլ նաեւ շրջանային կարեւոր եւ որոշիչ քաղաքական- զինուորական ներկայութիւն։
