34.03c
Երեվան
կրկ, օգս 02
Միացեալ Նահանգները չէր ուզեր Չինաստանի հետ տնտեսական կամ ռազմական հակամարտութեան մէջ մտնել, քանի որ այդ մէկը աղէտալի հետեւանքներ պիտի ունենար երկու երկիրներուն եւ ամբողջ աշխարհի համար։ Այս մասին յայտարարած է Ա․Մ․Ն․ արտաքին գործոց նախարար Մարքօ Ռուպիոն։
«Ա․Մ․Ն․-ի եւ Չինաստանի միջեւ որեւէ հակամարտութիւն՝ ըլլայ այն տնտեսական, թէ, Աստուած մի՛ արասցէ, ռազմական, աղէտալի պիտի ըլլար երկու երկիրներուն եւ ամբողջ աշխարհի համար»,– ըսած է ան՝ Fox News հեռուստակայանին տուած հարցազրոյցին ընթացքին։
Ռուպիոն աւելցուցած է, որ Ուաշինկթընի համար անհրաժեշտ է յաղթահարել նման իրավիճակ մը՝ միաժամանակ չհրաժարելով սեփական շահերէն։
«Ահա՛ ասիկա է արտաքին քաղաքականութեան բարդութիւնը. իւրաքանչիւր վարչակազմ պարտաւոր է հաւասարակշռութիւն գտնել այս երկու հակադիր ուժերուն միջեւ»,– եզրափակած է ան։
