4.09c
Երեվան
ուրբ, փտր 13
Տարածաշրջանին մէջ խաղաղութիւնը երբեք այնքան մօտ չէ եղած, որքան հիմա: Այս մասին յայտարարած է Ատրպէյճանի մէջ Ֆրանսայի դեսպան Զաքարի Կրոսը:
Որպէս օրինակ ան բերած է Ֆրանսայի եւ Գերմանիոյ յարաբերութիւնները` յիշեցնելով, որ երկու երկիրներու միջեւ պատերազմներ եղած են, զոհուած են միլիոնաւոր մարդիկ, փոխադարձ ատելութիւն եւ թշնամանք եղած է, սակայն այսօր այս երկու երկիրները բարեկամ են, հպարտ են իրենց պատմութեամբ ու մշակոյթով:
«Այս փորձը հետաքրքրական կը համարեմ Ատրպէյճանի եւ Հարաւային Կովկասի համար: Կը մաղթեմ, որ ձեր սերունդը խաղաղութիւն հաստատէ ձեր տարածաշրջանին մէջ, հասնի խաղաղութեան Ատրպէյճանի եւ Հայաստանի միջեւ: Ճիշդ է, խաղաղութիւնը դեռ վերջնականապէս հաստատուած չէ, այդ դժուարին ճանապարհ է` թակարդներով, բայց երբեք տարածաշրջանին մէջ խաղաղութիւնը այնքան մօտ չէ եղած, որքան հիմա», ըսած է դեսպանը:
