18.09c
Երեվան
չրք, նմբ 04
Հայաստանը Հաւաքական անվտանգութեան պայմանագիրի կազմակերպութենէն (ՀԱՊԿ) հեռացնելու հարցը օրակարգի վրայ չէ։ Այս մասին յայտարարած է կազմակերպութեան ընդհանուր քարտուղար Թաալաթպէկ Մասատիքով՝ Մինսքի մէջ ընթացող Եւրասիական անվտանգութեան համաժողովին շրջածիրէն ներս։
Անոր համաձայն՝ Երեւանը արդէն երրորդ տարին ըլլալով աշխուժօրէն չի մասնակցիր ՀԱՊԿ-ի աշխատանքներուն, սակայն Հայաստանի ներկայացուցիչը կը մասնակցի մշտական ներկայացուցիչներու ամէնօրեայ շաբաթական խորհրդակցութիւններուն։
Մասատիքով նաեւ նշած է, որ Ռուսիան արդէն Հայաստանի վերաբերեալ որոշ առաջարկ մը պատրաստած է, որ պիտի ներկայացուի ՀԱՊԿ-ի անդամ երկիրներուն։ Անոր համաձայն՝ կազմակերպութեան աշխատանքներուն մասնակցելու կամ չմասնակցելու որոշումը կը մնայ Հայաստանի կառավարութեան եւ ժողովուրդին իրաւասութեան ներքոյ։
Հարցը նախատեսուած է քննարկել Նոյեմբեր 10-ին կայանալիք ՀԱՊԿ-ի Հաւաքական անվտանգութեան խորհուրդի նիստին, եթէ այն ընդգրկուի օրակարգին մէջ։
