17.09c
Երեվան
չրք, նմբ 04
Նոյեմբեր 3-ին Միացեալ Նահանգներու մէջ կայացած միջանկեալ ընտրութիւններու նախնական արդիւնքներուն համաձայն՝ Դեմոկրատական կուսակցութիւնը մեծամասնութիւն ապահոված է Ծերակոյտին եւ Ներկայացուցիչներու տան մէջ։ Այս մասին կը հաղորդէ Associated Press-ը։
Ընտրութիւններէն առաջ Ծերակոյտին մէջ Հանրապետականները ունէին 53 աթոռ, իսկ Դեմոկրատներն ու անոնց հետ համագործակցող անկախ ծերակուտականները՝ 47։ Մեծամասնութիւն ապահովելու համար Դեմոկրատներուն անհրաժեշտ էր ձեռք բերել եւս չորս աթոռ, սակայն անոնք յաջողած են նուաճել վեցը։
Դեմոկրատները յաղթանակներ արձանագրած են Քանզասի, Թեքսասի, Հարաւային եւ Հիւսիսային Քարոլինայի, Օհայոյի եւ Այովայի մէջ։ Անոնք նաեւ շարք մը նահանգներու մէջ յաղթած են նահանգապետի ընտրութիւններուն։
Ներկայացուցիչներու տան մէջ, ըստ տարբեր գնահատականներու, Դեմոկրատները պիտի ապահովեն 235-255 աթոռ՝ մեծամասնութիւն կազմելու համար անհրաժեշտ 218-ի փոխարէն։
Ընտրութիւններուն արդիւնքով ամերիկացիները որոշած են Քոնկրէսի երկու պալատներուն կազմը, ինչպէս նաեւ ընտրած շուրջ 40 նահանգներու նահանգապետերը։
Դեմոկրատները յաղթանակ տարած են հետեւեալ նահանգներուն մէջ.
