26.92c
Երեվան
կրկ, հլս 19
Իրանցի զինուորականները, արձագանգելով ամերիկեան կողմի հասցուցած հարուածներուն, պատասխան յարձակմամբ նիւթական լուրջ վնաս հասցուցած են Քուէյթի նաւթի վերամշակման գործարանին։ Յարձակման մասին տեղեկացուցած է Քուէյթի KUNA լրատուական գործակալութիւնը՝ վկայակոչելով երկրի ազգային նաւթային ընկերութիւնը։
«Երկրի նաւթային ոլորտի կարեւորագոյն կառոյցներէն մէկը Յուլիս 18-ի առաւօտեան բազմիցս ենթարկուած է Իրանի յարձակումներուն, որոնց հետեւանքով քանի մը մարդ վիրաւորուած է, իսկ կառոյցը կրած է զգալի նիւթական վնաս»,– նշուած է ընկերութեան հաղորդագրութեան մէջ։
Նշուած է, որ վիրաւորներուն ցուցաբերուած է բժշկական օգնութիւն, իսկ կառոյցի անձնակազմը տարհանուած է։ Վիրաւորներու վնասուածքներու աստիճանին եւ գործարանին հասցուած վնասի չափին մասին մանրամասն տեղեկութիւններ չեն հաղորդուած։
Յուլիս 18-ին Քուէյթ նաեւ յայտնած էր, որ Իրան հարուածած է երկրի մէկ ելեկտրակայանը եւ ջուրի աղազերծման կայանը։
