18.09c
Երեվան
կրկ, սպտ 08
Դուք անմռունչ, դուք աննպաստ ու եղկելի,
Անքոյթ մտքի՝ դուք երկեւան անքակտելի,
Դուք անողոք եւ անբարոյ գե՛տ անջրդի...
Անմեղ սրտի՝ դուք անպիտան, հոգե՜ր կեանքի։
Դուք այսահար արմատներով՝ սէ՜ր հալածող,
Ու անարդար կայծակներով՝ միտք անջատող,
Անկապակից, անկարեկիր մե՛ղք էք ամբողջ...
Ու ներդաշնակ, անուշ կեանքի՝ անէ՛ծք մը ողջ։
Դուք, որ կ'իշխէք մեր յաղթըւած խեղճ մտքերուն,
Լաւ իմացէք, Սէր է Աստուած հզօրագոյն,
Կամք է տըւած ազատ եւ լո՜յս մեր սրտերուն,
Չե՛նք խոնարհիր ձեր արիւնռուշտ արմատներուն։
ԿԱՅԼԱԿ (Օգոստոս 18, 2012)
«Սէր Ու Կրակ» գիրքէն
