4.09c
Երեվան
հնգ, փտր 26
Վերջերս Իսրա Իմատի սպանութեան հարցը ցնցած է Եգիպտոսը, ան բուռն ծեծի ենթարկուած է իր ամուսնոյն կողմէ:
Այս մասին «Արեւելք» տեղեկացաւ համացանցէն:
Ի դէպ, հարցը սկսած է, երբ եգիպտական ընկերային ցանցերը տարածած են Իսրա Իմատի նկարները, որ փոխադրուած էր հիւանդանոց, ամուսնոյն կողմէ ծեծի ենթարկուելէ ետք: Այս հարցը շարժած է հանրային կարծիքը, ինչ որ առիթ տուած Աղեքսանդրիոյ ոստիկանութեան հետախուզութիւն սկսիլ:
Աղբիւրները նշած են, թէ 18 ամեայ Իսրա հիւանդանոց փոխադրուած է շատ վատ վիճակի մը մէջ: Ըստ բժիշկներուն, ան դաշունահարուած է դէմքի ու կուրծքի շրջաններէն, վիրահատուած է եւ ներկայիս անոր առողջական վիճակը կայուն է:
Ըստ Իսրայի մօր, ան ամուսնացած է 16 տարեկանին, մօր երկրորդ ամուսնոյն տղուն հետ, որովհետեւ սիրահարուած եղած են: Սակայն ընտանեկան հարցերը սկսած են եւ սրած մանաւանդ Իսրայի եւ տագրոջ նշանածին միջեւ: Իսրա իր մօր տուն եղած է, երբ առաւօտեան 4-ին, ամուսինը եկած է զինք տանելու, եւ շէնքին դրան առջեւ տեղի ունեցած է ոճրագործութիւնը:
Իր հերթին դատախազութիւնը մահափորձ կատարելու մեղադրանքով ձերբակալած է ամբաստանեալներ՝ ամուսինն ու անոր եղբայրը: Անոնց մօտ գտնուած է սպիտակ զէնքը, որ գործածուած է ոճրագործութեան ատեն:
