24.09c
Երեվան
երկ, սպտ 21
Հայաստանի վերանկախացման 35-րդ տարեդարձին առիթով, 20 Սեպտեմբեր 2026-ին, Նախագահութեամբ Թեմակալ Առաջնորդ Գերշ. Տ. Մեսրոպ արք. Սարգիսեանի Արաբական Միացեալ Էմիրութեանց, Քաթարի եւ Շրջակայից Թեմի եկեղեցիներէն ներս տեղի ունեցաւ Հանրապետական Մաղթանք։
Ստորեւ ԱՄԷ-ի Ազգային Առաջնորդարանի տարածած հաղորդագրութիւնը՝
Կիրակի 20 Սեպտեմբեր 2026-ին, Արաբական Միացեալ Էմիրութեանց, Քաթարի եւ Շրջակայից Թեմի եկեղեցիներէն ներս Ս. եւ Անմահ Պատարագի ընթացքին տեղի ունեցաւ Հանրապետական Մաղթանք Հայաստանի Հանրապետութեան վերանկախացման 35-րդ ամեակին առիթով:
Ապու Տապիի Սրբոց Նահատակաց եկեղեցիէն ներս արարողութեան նախագահեց թեմիս Բարեջան Առաջնորդ՝ Գերշ. Տէր Մեսրոպ Արք. Սարգիսեանը:
Ս. եւ Անմահ Պատարագը մատուցեց եւ յաւուր պատշաճի քարոզեց` Ապու Տապիի Սրբոց Նահատակաց եկեղեցւոյ հոգեւոր հովիւ՝ Հոգշ. Տէր Վիգէն Վրդ. Տալգըլըճեան:
Ս. Պատարագին ներկայ էին Հ. Հ. դեսպանութեան դիւանագիտական կազմը եւ Ազգային իշխանութեան ներկայացուցիչները:
Ս. Գրիգոր Լուսաւորիչ եկեղեցիէն ներս Ս. Եւ Անմահ Պատարագը մատուցեց Տուպայի եւ Հիւսիսային Էմիրութեանց հոգեւոր հովիւ` Արժ. ՏԷր Արամ Աւագ Քհնյ. Տէյիրմէնճեանը։
