• 235
• 11/09/2021

4 Տարուան բանտարկութեան վճիռ՝ Ռիֆհաթ Ասատին

Փարիզի վճռաբեկ դատարանը 4 տարուան բանտարկութեան վճիռ հրապարակած է Ռիֆհաթ Ասատին դէմ։

Այս մասին տեղեկութիւնը տուած է «Ալ Մայատին« կայանը նշելով, որ Սուրիոյ նախկին նախագահ Հաֆէզ Ասատի եղբայր Ռիֆհաթ Ասատը կը մեղադրուի դրամալուացման եւ ապօրինի կերպով Ֆրանսայէն մեծ գումարներ արտահանելու մէջ։ 

84 Տարեկան Ասատ, որ բարձր պաշտօններ զբաղեցուցած է իր աւագ եղբօր  պաշտօնավարութեան ժամանակ, երկրէն հեռացած է 1984-ին եւ հաստատուած՝ Փարիզ։ 

Կը նշուի նաեւ, որ Ռիֆհաթ Ասատ  լուրջ տարակարծութիւններ ունէր նախագահ Հաֆէզ Ասատին հետ եւ այդ պատճառով ալ հեռացած էր Սուրիայէն։