26.79c
Երեվան
երք, հնս 30
Կացութիւնը կը շարունակ մնալ լարուած Էրէբունիի ՊՊԾ կեդրոնին շուրջ: Այս մասին լուր փոխանցող աղբիւրներ նաեւ կը հաղորդեն, որ այսօր յետմիջօրէին գրանցուած է կրակոց, որուն հետեւանքով սպաննուած է ՀՀ ոստիկանութեան ենթասպայ ՝ Եուրա Տեփանոսեանը: Այս մասին նոյնպէս արձագանգած է ՀՀ ոստիկանութեան բանբեր Աշոտ Ահարոնեան, որուն ըսելով ենթասպայ Տեփանոսեան զոհուած է ՊՊԾ գունդէն արձակուած գնդակով: Ահարոնեանի խօսքով «Սասնայ ծռեր» խմբակի զիինեալները գործի դրած են դիպուկահար, որուն կրակով զոհուած է ենթասպան: Այս դէպքէն ետք Էրէբունիի դէպքերուն սկիզբէն ի վեր զոհերուն թիւը կը հասնի երկուքի: Դէպլի առաջին օրը զոհուած էր գնդապետ Արթուր Վանոյեանը: Նշենք, որ այս պահուն կացութիւնը կը շարունակէ մնալ լարուած Էրէբունիի ՊՊԾ կեդրոնի շրջակայքը: ԱԱԾ-ն աւելի վաղ հաղորդագրութիւն մը հրապարակելով «Սասնայ ծռեր» խումբի զինեալներուն յորդորած էր զէնքերը յանձնել, այլապէս ԱԱԾ-ն տարբեր քայլերու դիմելով պիտի վնասազերծէր զինեալները: Տրուած պայմանաժամէն անցած են չորս ժամեր եւ այս պահուն զգուշաւոր իրավիճակ կը տիրէ Էրէբունիի շրջակայքը:
