18.64c
Երեվան
հնգ, հլս 02
Հայաստանի մէջ Չինաստանի դեսպան Տիան Էրլունի եւ առեւտտուրի խորհրդական Վանք Հոնկլենկի հետ հանդիպման ընթացքին՝ Հայաստանի առողջապահութեան նախարար Լեւոն Ալթունեան շնորհակալութիւն յայտնած է չինական կողմին, իբրեւ օգնութիւն Հայաստանին շտապ օգնութեան 200 մեքենայ եւս տրամադրելու պատրաստակամութիւն յայտնելուն համար:
«Ատոր շնորհիւ պիտի կարենանք լիովին լուծել մեր երկրի շտապ օգնութեան ծառայութեան մէջ առկայ խնդիրները»,- ըսած է նախարարը՝ ընդգծելով, որ ինչպէս նախապէս, յառաջիկային ալ ստացուած ինքնաշարժներուն մեծ մասը պիտի աշխատին մարզերուն մէջ։
Նշենք, որ 2011 թուականէն Չինաստան Հայաստանին տրամադրած է շտապ օգնութեան 88 ինքնաշարժ, եւ հայ բժիշկները, առողջապահութեան կազմակերպիչները, դեղագործները վերապատրաստուած էին Չինաստանի մէջ, նաեւ՝ աւանդական բժշկութեան ուղղութեամբ:
Դեսպանին խնդրանքով նախարարը ներկայացուցած է առողջապահական համակարգին մէջ ծրագրուող բարեփոխումներն ու հեռահար նպատակները:
Տիան Էրլուն նշած է, որ չինական կողմը պատրաստ է աջակցելու նաեւ հեռաբժշկութեան ոլորտին մէջ՝ ապահովելով մասնագիտական խորհրդատուութիւն:
