26.09c
Երեվան
կրկ, հնս 08
Երէկ երեկոյեան նախագահ Մաքրոնի եւ լիբանանցի մեծ երգչուհի Ֆէյրուզի միջեւ տեղի ունեցած հանդիպման լուսանկարները արդէն հրապարակուած են:
Նշենք, որ ֆրանսայի նախագահը, որ երկօրեայ այցով ժամանած էր Պէյրութ, օդակայան հասնելէն անմիջապէս ետք մեկնած է Ռապիէ շրջան, յատուկ այցելութիւն մը տալու Լիբանանի եւ արաբական աշխարհի մեծ տիւա` երգչուհի Ֆէյրուզին:
Հանդիպման մասին ոչ մէկ մանրամասնութիւն ցարդ հրապարակուած է։
Նշենք, որ նախագահ Մաքրոն հանդիպման աւարտին «Ալ-Ժատիտ» կայանի լրագրող Ռաշէլ Քարամին հետ խօսելով, նշած էր, որ այս այցելութիւնը խորհրդանշական բնոյթ ունի, այն իմաստով, որ Ֆէյրուզ կը ներկայացնէ ոչ միայն լիբանանցիներու արուեստը, այլ ան հանդիսացած է Արեւելքի խորհրդանիշներէն մէկը:
Մաքրոն նաեւ նշած է, որ իր համար շատ սիրելի երգ է Ֆէյրուզի մեկնաբանած «Լի Պայրութ» («Պէյրութին համար») նշանաւոր երգը:
