image

Արա Կիւլէրի եւ Սալվատոր Տալիի առաջին հանդիպումը

Արա Կիւլէրի եւ Սալվատոր Տալիի առաջին հանդիպումը

Պոլսահայ լուսանկարիչ՝ Արա Կիւլէր կը պատմէ Սալվատոր Տալիի հետ իր հանդիպման մասին, որ տեղի ունեցած է Փարիզի Մորիս հիւրանոցին մէջ:

«Գացի այն հիւրանոցը, ուր Տալին կը գտնուէր, եւ ըսի իր օգնականին, որ ես Time ամսագիրի թղթակից եմ եւ կ'ուզեմ լուսանկարել Սալվատոր Տալին: Օգնականը ըսաւ հետեւեալ բառերը. «Փորձեցէք ձեր բախտը, ան կը մնայ 101 սենեակին մէջ»:

Բարձրացայ վեր եւ բացի 101 սենեակին դուռը, յետոյ մէկ այլ դուռ յայտնուեցաւ առջեւս: Այս դուռն ալ բանալէն յետոյ, տեսայ Տալին կանգնած իմ առջեւս իր ձեռնափայտին յենած: Ան այնպէս կը նայէր ինծի, կարծես ամէն պահ կրնար թուրը հանել ու յարձակիլ: Տալին պահ մը նայելէ ետք ինծի, յանկարծ մեծ քայլ մը կատարեց եւ մենք յայտնուեցանք քիթ քիթի:

-Ինչու՞ կ'ուզես զիս լուսանկարել, - հարցուց Տալին:

- Չէ՞ որ դուք հանրայայտ Սալվատոր Տալին էք։ Ահա թէ ինչու,- պատասխանեցի ես:

-Իմ մէկ վարկեանս 25 հազար տոլար կ'արժէ

- Ես չեմ կրնար մէկ վայրկեանի մէջ նկարել եւ իմ հետս այդքան կանխիկ գումար չունիմ

Եւ Տալին բռնեց թեւէս ու դուրս շպրտեց: Այս մեր առաջին հանդիպումն էր:»