-1.91c
Երեվան
կրկ, դկտ 21
Գիւմրիի մէջ պիտի տեղադրուի հասարակական-քաղաքական գործիչ, պատմաբան, գրականագէտ, հրապարակախօս եւ հրատարակիչ Կարօ Սասունիի արձանը։ Գիւմրիի աւագանիի որոշմամբ՝ 2 մեթր 40 սանդիմեթր բարձրութեամբ պրոնզաձոյլ արձանը պիտի տեղադրուի քաղաքի Պռոշեան եւ Գարեգին Նժդեհի փողոցներու խաչմերուկին։ Արձանի հեղինակն է քանդակագործ Միսակ Մելքոնեան։
Արձանի տեղադրման նախաձեռնութիւնը կը պատկանի «Զօրավար Սեպուհ» պատմաքաղաքական վերլուծական կեդրոնի նախագահ, պատմական գիտութիւններու դոկտոր, Երեւանի պետական համալսարանի Հայոց պատմութեան ամպիոնի պրոֆեսոր Աշոտ Ներսիսեանին եւ Կարօ Սասունիի ժառանգներուն։
«Կումայրի» պատմամշակութային արգելոց-թանգարանի տնօրէն Ինգա Աւագեան, աւագանիին ներկայացնելով Կարօ Սասունիի կենսագրութիւնը, նշած է, որ 1914–1915 թուականներուն վերջինս մասնակցած է հայ ազգի փրկութեան, մասնաւորապէս՝ Թալինի մէջ՝ Դաշտադեմի ամրոցի կռիւին։ 1919-ին ան ընտրուած է Հայաստանի Առաջին Հանրապետութեան խորհրդարանի անդամ, իսկ 1920-ին նշանակուած է Ալեքսանդրապոլի նահանգապետ։
«Նահանգապետ դառնալով՝ առաջինը պայքար նախաձեռնեց կոռուպցիայի (փտածութեան) դէմ եւ շատ կարճ ժամանակում կարողացաւ վերջ տալ այդ երեւոյթին։ Ի՞նչ էր անում նա. ձերբակալում էր ե՛ւ տուողներին, ե՛ւ վերցնողներին։ Առաւել խիստ էր հենց կաշառք տուողների նկատմամբ»,- ընդգծած է Ինգա Աւագեան։
