15.09c
Երեվան
հնգ, ապր 30
Այս առաւօտ ընթացք առած խորհրդարանական ընտրութիւններուն սուրիահայութիւնը կը մասնակցի 3 թեկնածուներով։
Այս մասին «Արեւելք» տեղեկութիւն ստացաւ Հալէպի իր աղբիւրէն։
Մեր աղբիւրին հաղորդմամբ ընտրութիւններուն իրենց թեկնածուութիւնը դրած են Հալէպէն ՝ Ժիրայր Ռէիսեան եւ Լիւսի Իսքէնեան, իսկ Դամասկոսէն ՝ Նորա Արիսեան։
Նշենք, որ Ռէիսեան եւ Արիսեան արդէն իսկ անդամ էին Սուրիոյ գործող խորհրդարանին, իսկ Լիւսի Իսկէնեանի անունը առաջադրուած է Սուրիոյ իշխող «Պաաս» կուսակցութեան կողմէ։
Ներկայ պահու դրութեամբ ընտրութիւնները խաղաղ եւ ապահով պայմաններու մէջ կը շարունակուին։
Յիշեցնենք, որ 2011 թուականին Սուրիոյ մէջ սկիզբ առած պատերազմէն ի վեր այս 3-րդ ընտրութիւններն են, որ կը կայացուին։
Սուրիոյ ժողովուրդը մասնակցելով այս ընտրութիւններուն խորհրդարան պիտի հասցընէ 250 երեսփոխաններ։
