19.81c
Երեվան
ուրբ, հնս 26
Հալէպի մէջ այսօր տեղի պիտի ունենայ երեք տարիէ ի վեր անյայտ կորսուած համարուող եւ օրերս յայտնաբերուած Սուրիոյ բանակի հայ զինծառայող Ժիրայր Քէչէճեանի յուղարկաւորութիւնն ու թաղումը:
1992-ին ծնունդ նահատակ Ժիրայր Քէչէճեանի յուղարկաւորութեան արարողութիւնը պիտի կատարուի այսօր՝ երկուշաբթի 23 ապրիլ 2018-ին, կէսօրուայ ժամը 1:00-ին, Ս. Աստուածածին եկեղեցւոյ մէջ:
Յետ յուղարկաւորութեան արարողութեան ցաւակցութիւնները պիտի ընդունուին եկեղեցւոյ ներքնասահին մէջ:
Յիշեցնենք, որ Քէչէճեան նահատակուած է «Ալ Թապաքա» օդակայանի դէպքերուն: 15 յունիս 2017-ին «Արեւելք» մանրամասն լրատուութիւն մը կատարած էր հանգուցեալ զինուորին մասին գրելով, որ ըստ կարգ մը աղբիւրներու ան 3 տարի առաջ առեւանգուած էր «Իսլամական պետութիւն» կոչուած ահաբեկչական խմբաւորման կողմէ:
Կային տեղեկութիւններ որոնց համաձայն Ժիրայր Քէչէճեան մինչեւ վերջերս բանտարկուած կը մնար նոյն կազմակերպութեան Ռաքքայի բանտերուն մէջ:
Յիշեցնենք, որ Ժիրայրի դին գտնուած է Ռաքքայի «Ռաթման» աւանին մէջ ուր նաեւ աւելի վաղ յայտնաբերուած էին 34 զինուորներու դիակներ:
