-6.91c
Երեվան
չրք, դկտ 31
Այսօր առաջին երկու նաւթատար նաւերը կը հասնին Սուրիոյ Պանիաս Քաղաքի նաւահանգիստը, բեռնուած 1 միլիոն եւ 700 հազար հում նաւթի տակառներով։
Այս այս մասին տեղեկացուցած է «Ալ Մայատին» կայքը յղում ընելով «Թանքըր Թրաքըր» կայքին, որ կը հետեւի նաւթատար նաւերու երթեւեկութեան: Նշուած է նաեւ, որ երրորդ նաւթատար նաւը նոյն օրը աւելի ուշ Սուէզի ջրանցքով տեղ պիտի հասնի:
Աղբիւրը նշած է նաեւ, թէ Իրան դիմած է այս քայլին դէմ ելլելով Սուրիոյ նկատմամբ կիրառուած ամերիկեան եւ եւրոպական սահմանափակումներուն նաեւ «Կեսար» օրէնքին, որ վաւերացուած է Միացեալ Նահանգներու Քոնկրէսին կողմէ յունիս 2020-ին:
Իր հերթին, Սուրիոյ մօտ Իրանի դեսպան՝ Ճաուատ Թըրք Ապատի, 2020-ի յուլիսին, յայտարարած էր, թէ իր երկիրը պիտի շարունակէ աջակցիլ Սուրիոյ ու օժանդակել անոր, բաւարարելով Սուրիոյ նաւթային կարիքները, եւ դիմակայել երկու երկիրներուն նկատմամբ սահմանուած արեւմտեան պատժամիջոցները:
Աղբիւրը յիշած էր, թէ ապրիլ ամսուան մէջ եւս Իրան ուղարկած էր նաւթատար նաւ բեռնուած 1 միլիոն տակառ նաւթով:
Յիշեցնենք, որ Սուրիոյ Պաշտպանութեան նախարար՝ Ալի Այյուպ եւ Իրանեան բանակի շտաբի պետ՝ Մոհամմէտ Մաիրի անցեալ տարուայ մէջ ստորագրած էին ռազմավարական համագործակցութեան պայմանագիր:
Ի դէպ, այս առաջին անգամ չէ , որ Իրան կը խախտէ երկրի մը հանդէպ սահմանուած շրջափակումները, ասկէ առաջ իր նաւթատար նաւերը մտած էին Վենեզուելլայի տարածքային ջուրերը:
