27.52c
Երեվան
ուրբ, հնս 19
«Շրջանին մէջ Իրանի դէմ ցանկացած նոր պատերազմի հրահրում Իսրայէլի կործանման կը տանի։ Ամերիկացիք լաւ պէտք է հասկնան այս մէկը ու նաեւ պէտք է հասկնան, որ ցանկացած պատերազմ ամբողջութեան վերջ պիտի տայ այս տարածաշրջանին մէջ իրենց ունեցած երազներուն» այսօր այսպէս յայտարարեց «Հըզպալլա»ի ընդհանուր քարտուղար Սէյիտ Հասան Նասրալլան։
Շիիթ առաջնորդը նաեւ նշեց, որ ինչ ճնշումներու ալ դիմեն պիտի չկարողանան Իրանը ընկճել։
Նասրալլա նաեւ ըսաւ, որ եթէ Իսրայէլ համարձակի որեւէ հարուած տալ Լիբանանին, ապա իրենք համապատասխան կերպով պիտի պատասխանեն իսրայէլեան քայլերուն եւ Լիբանան-Իսրայէլ հակամարտութեան առընթեր յետ այսու «կարմիր գիծեր» գոյութիւն չունին։
Խօսելով Իրանի դէմ հաւանական որեւէ պատերազմի կամ զինուորական գործողութեան մասին ան նշեց, որ «Շրջանին մէջ Իրանի դէմ ցանկացած զինուորական գործողութիւն պիտի համարենք պատերազմ ամբողջ դիմադրական ճակատին դէմ, որ նաեւ կը նշանակէ Իսրայէլի վերացումը»։
Նասրալլա նաեւ նշեց, որ «դիմադրութեան ճակատ»ի սիրտը եւ գլխաւոր կեդրոնը Իրանն է, իր հոգեւոր առաջնորդ ՝ Սէյիտ Ալի Խամէնիյիով, իր ղեկավարութեամբ, ժողովուրդով եւ գաղափարով։
Նշենք, որ Նասրալլա կը խօսէր շիիթ համայնքի համար կարեւոր սգատօն համարուող «Աշուրա»ի յիշատակի օրուան առթիւ։
