Ռոպերթ Քոչարեանը կուսակցութի՞ւն կը ստեղծէ

206
28/08/2018

Ռոպերթ Քոչարեանը կուսակցութի՞ւն կը ստեղծէ

168.am-ը յայտնած էր, որ ՀՀ երկրորդ նախագահ Ռոպերթ Քոչարեանը կուսակցութիւն ստեղծելու մտադրութիւն ունի։

«Ռոպերթ Քոչարեանը մշտապէս իր հարցազրոյցներուն մէջ հերքած էր աշխոյժ քաղաքականութիւն վերադառնալու մասին հարցադրումները, սակայն Նիկոլ Փաշինեանի գլխաւորած յեղափոխութիւնէն եւ անոր հետեւած գործողութիւններէն յետոյ ան «Երկիր Մետիա» հեռուստաընկերութեան տուած հարցազրոյցին մէջ յայտարարած է, որ վերադարձած է քաղաքականութիւն: Հարցին, թէ ան արդեօք քաղաքականութիւն կը վերադառնա՞յ, թէ՞ ոչ, Քոչարեանը պատասխանած էր՝ «Համարէք, որ վերադարձել եմ»,- գրած էր կայքը:

ՀՀ երկրորդ նախագահ Ռոպերթ Քոչարեանի մամլոյ խօսնակ Վիքթոր Սողոմոնեանը SHANTNEWS.AM-ի հետ զրոյցի ժամանակ հաստատած է այն տեղեկութիւնը, որ Ռոպերթ Քոչարեանը հարցազրոյց տուած է ռուսական NTV հեռուստաալիքին:

Այն հարցին, թէ հնարաւո՞ր է հարցազրոյցի ընթացքին Ռոպերթ Քոչարեանը ապագայ ընելիքներու վերաբերեալ խաղաքարտեր բանայ, Վիքթոր Սողոմոնեանը պատասխանած է, որ հարցազրոյցը դիտելուն պէս ամէն ինչ պարզ կը դառնայ:

Ինչ կը վերաբերի Ռոպերթ Քոչարեանի՝ կուսակցութիւն ստեղծելու լուրերուն, Վիքթոր Սողոմոնեանն ըսած է հետեւեալը.

«Ռոպերթ Քոչարեանի վերադարձը կարող է տարբեր ձեւաչափերով լինել, այդ թուում՝ նաեւ կուսակցութիւն ստեղծելու, ժամանակ տուէք, իր հետ կը խօսեմ, եւ ամէն ինչ պարզ կը լինի»:

Առնչուող լուրեր

30/06/2021

Ռոպերթ Քոչարեանը կուսակցութի՞ւն կը ստեղծէ

Ամենաընթերցուածը

Լուրեր