15.09c
Երեվան
հնգ, ապր 30
«Քորոնա» համավարակի նոր ալիք մը կը հարուածէ Լիբանանը։
Այս մասին տեղեկութիւն կը հաղորդեն լիբանանեան շարք մը ԶԼՄ-ներ յղում կատարելով երկրի առողջապահութեան նախարարութեան եւ յատկապէս նախարար Համատ Հասանին, որ անցնող ժամերուն տարբեր առիթներով յայտարարութիւններ կատարելով նշած էր, որ Լիբանան կը գտնուի բաւական բարդ դրութեան մէջ եւ շատ հաւանական է, որ համավարակի ամբողջական տարածման նոր փուլ մը երեւելի դառնայ, եթէ քաղաքացիներ չհետեւին պետական մարմիններու ցուցմունքներուն եւ որոշումներուն։
Իր կարգին «Էլ. Պի. Սի. Այ.» կայանը իրավիճակին վերաբերեալ լուր հրապարակելով նշած է, որ կառավարութիւնը նպատակադրած է խստացնել շրջագայութեան կանոնները ու նաեւ փակել գիշերային զբօսավայրերը։
Նոյն կարծիքին է երկրի ՆԳ նախարար Մոհամմատ Ֆահմի, որ շատ ահաւանար յառաջիկայ ժամերուն «Քորոնա»ի հետ կապուած խստացումներուն վերաբերեալ նոր որոշումներով հանդէս գայ։
Ինչ կը վերաբերի Լիբանանի հայկական համայնքին, ապա «Արեւելք»ի ունեցած տուեալներով «Քորոնա»ի մէկէ աւելի պարագաներ արձանագրուած են նաեւ Պէյրութի տարբեր շրջաններու մէջ ապրող հայկական համայնքի անդամներուն մօտ։
Թէկուզեւ վարակուած պարագաներուն թիւը մինչեւ այս պահը քիչ է, սակայն գաղութի մէկէ աւելի պատասխանատուներ իրավիճակին մասին յայտարարութիւններ կատարած են կոչ ուղղելով բոլորին զգօն ըլլալ ու պահպանել «Քորոնա»էն զերծ մնալու եւ առողջապահութեան նախարարութեան կողմէ եղած բոլոր թելադրանքները։
Յիշեցնենք, որ անցնող ամիս եւ շնորհիւ պետական մարմիններու ցուցմունքներուն Լիբանանը կարողացած էր առաջքը առնել «Քորոնա» համավարակի տարածման
