27.01c
Երեվան
շբթ, հնս 27
«Ռոյթըրզ» լրատուական գործակալութեան տեղեկացմամբ, օրերս Թեհրանի եւ Եւրոմիութեան միջեւ բանակցութիւններ կ'իրականացուին, իրանեան միջուկային ծրագիրը փրկելու նպատակով, այն բանէն ետք, երբ ԱՄՆ նախագահ Թրամբ որոշեց հրաժարիլ Իրանի հետ համագործակցելէ:
Աղբիւրը, փոխանցելով իրանցի բարձրաստիճան պաշտօնեայի մը յայտարարութիւնը, նշած է, որ Իրան պիտի փորձէ իր դաշնակից Հուսիներու հարցը քննարկման սեղան բերել, յանուն միջուկային ծրագիրի փրկութեան:
Այս առթիւ, Թրամբի որոշման դէմ եղող եւրոպական երկիրները համարած են, որ կարելի է միջուկային ծրագիրի պահպանման միջոցով լուծում տալ Եմէնի հարցին, ապացուցելով ԱՄՆ-ին, որ Եւրոմիութիւնը կարողութիւն ունի Եմէնի հարցին շուրջ զիջումներ քաղելու:
Նշենք, որ 2015 թուականէն ի վեր Իրան անուղղակի պայքարի մէջ է Սէուտական Արաբիոյ հետ, Եմէնի Հուսիներուն զինամթերք տրամադրելու պատճառով:
