22.31c
Երեվան
շբթ, հնս 27
Անցնող քանի մը ամիսներու ընթացքին լիբանանեան Այն Ալ Հուլուա գաղթակայանէն խումբ մը հետախուզուողներ Հիւսիսային Լիբանանէն դէպի սուրական հողեր անցած են, որոնցմէ երկուքը արդէն Գերմանիա հասած են:
«Ալ Ախպար» թերթին փոխանցմամբ, հետախուզման մէջ գտնուող շէյխ Ահմատ Ալ Ասիրի երեք զաւակները, ինչպէս նաեւ անոնցմէ առաջ այլ ահաբեկիչներ, Լիբանանէն Սուրիոյ միջոցով հասած են Թուրքիա, նպատակ ունենալով այնտեղէն տեղափոխուիլ Եւրոպա:
Տարածուած լուրերուն համաձայն, իւրաքանչիւր ահաբեկիչ որ ապօրինի տեղափոխման դիմաց 10 հազար տոլարը գերազանցող գումար վճարած է:
Անվտանգութեան ուժերու կողմէ ձեռք բերուած տեղեկութիւններուն համաձայն, գաղթակայանէն դուրս եկած եւ Եւրոպա մեկնիլ ցանկացողները, ըստ իրենց նպատակադրուածութեան, կարելի է բաժնել երկու խումբի:
Անոնց մէկ մասը կը ձգտի ազատիլ գաղթակայանէն, մեկնիլ Եւրոպա եւ այնտեղ նոր կեանք ապրիլ, խաղաղ պայմաններու մէջ:
Երկրորդ խումբին կը պատկանին անոնք, որոնք նպատակ ունին Եւրոպա հասնելէ ետք այնտեղ ահաբեկչական գործունէութիւն ծաւալել: Այս խումբին մաս կը կազմեն «Նուսրա» եւ «Տահէշ» խմբաւորումներու գաղափարակիցները:
