25.42c
Երեվան
ուրբ, հլս 10
Հոկտեմբերի 7-ին առաջին անգամ Հայաստանում կնշվի «Սպարապետի օրը»: Այդ մասին տեղեկանում ենք միջոցառման կազմակերպիչներից:
Տոնակատարության շրջանակում տարբեր հարթակներում տեղի կունենան մի շարք միջոցառումներ, կոգեկոչվեն հայոց սպարապետները:
Ամբողջ օրվա ընթացքում ներկաները հատուկ տաղավարներից կարող են գնել գյուղացիների պատրաստած էկոլոգիապես մաքուր ավանդական ուտելիքները, թխվածքներն ու խմիչքները, ձեռք բերել հատուկ այս տոնին նվիրված թեմատիկ հուշանվերներ:
13:00 - Կախովի կամրջի երկարությամբ շարված կատարողները դհոլով եւ զուռնայով կազդարարեն միջոցառման մեկնարկը:
13:10 - Երթ դեպի Մխիթար սպարապետի գերեզմանը, որտեղ կտրվի զինվորական երդում եւ կդրվի ծաղկեպսակ՝ ի նշան հարգանքի: Կտրվի զինվորական համազարկ: ՀՀ ԶՈՒ գլխավոր շտաբի նվագախումբը կկատարի զինվորական քայլերգեր:
13:30 - 15:30 - «Կարին» ավանդական երգի-պարի խմբի ելույթ՝ Գագիկ Գինոսյանի ղեկավարությամբ: Ցանկացողների համար կկազմակերպվի հայկական ռազմական պարերի (քոչարի, յարխուշտա, վերվերի) ուսուցանում:
13:30 - 15:30 - Սբ. Թադեւոս եկեղեցում երգչախմբի կատարմամբ կհնչեն շարականներ:
13:30 - 15:30 - Արսեն Գրիգորյանի (Մրո) ղեկավարած ազգագրական երգի համույթի ելույթ, ժողովրդական տոնախմբություն:
14:00 - 17:00 - Նետաձիգի, կոխի եւ paintball-ի մրցաշարներ:
15:30 - 16:30 - Խնձորեսկի մշակույթի տանը հարակից տարածքում՝ ՀՀ ԶՈՒ ԳՇ հատուկ զինվորական նվագախմբի փոքր կազմի ելույթը:
18:00 - Գալա համերգ՝ Շուշան Պետրոսյանի եւ Պարի պետական անսամբլի մասնակցությամբ:
19:00 - Տոնակատարությունը կավարտվի հրավառությամբ:
