23.79c
Երեվան
ուրբ, հնս 19
Լիբանանի մօտ Թուրքիոյ դեսպան Հաքքան Չաքիլ Լիբանանի Արտաքին Գործոց նախարարութիւն կանչուած է։
Այս մասին տեղեկութիւնը տրուեցաւ «Վի. Տի. Էլ.» կայանին կողմէ։
Աղբիւրը նաեւ յայտնեց, որ դեսպանը դեսպանատուն կանչուած է վերջերս Թուրքիոյ ԱԳՆ-ին կողմէ Լիբանանի նախագահի հասցէին հնչած վիրաւորական խօսքերուն մասին բացատրութիւններ տալու նպատակով։
Յիշեցնենք, որ անցնող երկու օրերէն սկսեալ Պէյրութ- Անգարար դիւանագիտական բացայայտ լարուածութիւն մը երեւելի դարձած էր։
Լիբանանի նախագահ զօր. Միշէլ Աունի Օսմանեան կայսրութեան մասին կատարած յայտարարութիւնները չէին մարսուած Թուրքիոյ դիւանագիտութեան գլխաւոր կառոյցին՝ ԱԳՆ-ին կողմէ, որուն ի պատասխան Անգարա վիրաւորական արտայայտութիւններ պարունակող հաղորդագրութիւն մը հրապարակած էր։
Լիբանանի նախագահը խօսելով անցեալ դարասկիզբին ընթացքին Օսմանեան կայսրութեան վարմունքին մասին ըսած էր, որ օսմանցիներու արարքները «պետական ահաբեկչութիւն» էին։
