37.2c
Երեվան
կրկ, օգս 02
Արցախի մէջ հանդիսաւոր պայմաններու մէջ կայացաւ Լեռնային Ղարաբաղի Հանրապետութեան Գերագոյն խորհուրդի առաջին նախագահ՝ Արթուր Մկրտչեանին եւ Արցախի Հանրապետութեան պաշտպանութեան բանակի N զօրամասի 4-րդ հրաձգային վաշտի հրամանատար, զօրավար՝ Արմենակ Ուրֆանեանին յետմահու «Արցախի հերոս» բարձրագոյն կոչում շնորհելու արարողութիւնը:
Ելոյթով հանդէս եկաւ Արցախի նախագահ` Արայիկ Յարութիւնեան նշելով, որ ԱՀ նախագահական ընտրութիւններու օրը այցելած է Արթուր Մկրտչեանի շիրիմը եւ խոստացած ընտրուելու պարագային, ընել առաւելագոյնը՝ վերջինիս կիսատ ձգած գործը շարունակելու եւ վեհ գաղափարները կեանքի կոչելու համար:
«Այդ երդում էր ինչպէս Արթուր Մկրտչեանի, այնպէս ալ հայրենիքի համար իրենց կեանքը զոհաբերած մեր բոլոր քաջորդիներու յիշատակին առջեւ»:
Փաշինեան եւս ելոյթով հանդէս եկաւ՝ նշելով, որ յուզիչ եւ կարեւոր միջոցառում է. «Կը կարծեմ, որ ասոր ամենակարեւոր խորհուրդը այն է, որ մենք մեր պատմութիւնը չենք մոռնար: Մենք, ի հարկէ, ամէն օր, ամէն ժամ կը նայինք ապագային, բայց այդ ապագան ճիշդ կառուցելու համար պէտք է ճիշդ գնահատել նաեւ անցեալը»,-ըսաւ ՀՀ վարչապետը:
Արցախի նախագահ` Արայիկ Յարութիւնեան այս մասին գրելով իր ֆէյսպուքեան էջին վրայ եզրափակած է.- «Փա՛ռք հայոց նորագոյն պատմութիւնը կերտող բոլոր հերոսներուն»:
