5.09c
Երեվան
հնգ, դկտ 18
Դուք գիտէք, ռուսերու դիրքորոշումը, անոնք կ՚ուզեն մեր Տոնպասը։ Մեր դիրքորոշումը գործնական է, իրատեսական եւ արդար. մենք կը պաշտպանենք այն եւ չենք ուզեր հրաժարիլ մեր Տոնպասէն, յայտարարած է Ուքրանիոյ նախագահ Վլատիմիր Զելենսքին։
Ան նշած է, որ ամերիկացիները կ՚ուզեն փոխզիջում գտնել. անոնք կ՚առաջարկեն ազատ տնտեսական գօտի։
«Կրկին կ՚ընդգծեմ՝ ազատ տնտեսական գօտին չի նշանակեր Ռուսիոյ Դաշնութեան ղեկավարութեան ներքոյ։ Մենք Տոնպասը պիտի չճանչնանք որպէս ռուսական տարածք ո՛չ «տէ իւրէ», ո՛չ էլ «տէ ֆաքթօ»։ Այդ մասը ժամանակաւորապէս բռնագրաւուած է։ Այնուամենայնիւ, մենք պիտի քննարկենք տարածքային հարցը։ Գիտէք, այդ առանցքային հարց է։ Մենք դեռ համաձայնութիւն չունինք», -աւելցուցած է Զելենսքին։
Պեռլինի մէջ բանակցութիւններու ժամանակ ամերիկացի բանակցողներ Սթիւ Ուիթքոֆը եւ Ճարետ Քուշները ճնշում գործադրած են ուքրանացի ներկայացուցիչներու վրայ՝ Տոնպասի իրենց վերահսկողութեան տակ գտնուող հատուածը յանձնելու համար։
