6.09c
Երեվան
չրք, փտր 25
Ուքրանիոյ Զինուած ուժերու ստորաբաժանումները զօրավարժութիւններ իրականացուցած են Սեւ ծովի ջրային տարածքը գտնուող Խերսոնի մարզի ափամերձ հատուածներուն մէջ՝ կիրառելով թրքական «Պայրաքտար» հարուածային անօդաչուները: Այս մասին յայտնած է «ԹԱՍՍ» գործակալութիւնը՝ յղում ընելով երկրի Պաշտպանութեան Նախարարութեան տեղեկատուական գործակալութեան:
«Bayraktar TB2 հարուածային անօդաչուները թռիչքներ իրականացուցած են Ուքրանիոյ ցամաքային հատուածէն դէպի Սեւ ծովը գտնուող Թենտրա կղզին: Անօդաչուները ռազմավարական տարբեր ուսումնական յանձնարարութիւններ մշակած են »,- ըսուած է հաղորդագրութեան մէջ:
Նշուած է, որ անօդաչուներու թռիչքն ու վայրէջքը կատարուած է Նիքոլայեւ քաղաքի օդակայանէն: Թենտրա կղզիին մէջ տեղակայուած է ուքրանական բազմապաշտօն ռազմածովային զօրավարժարանը, ուր զինծառայողները կը մշակեն ծովային վայրէջքը:
Ուքրանիոյ ՊՆ-ը 2020-ի 14 դեկտեմբերին յայտնած էր ուքրանական բանակին համար հարուածային անօդաչուներ պատրաստելու վերաբերեալ Թուրքիոյ հետ համաձայնագիր ստորագրելու մասին: Ոչ պաշտօնական տուեալներով՝ պայմանագրի գումարը կազմած է 69 միլիոն եւրօ:
