15.09c
Երեվան
շբթ, ապր 20
Աշխարհը կը փոխուի արագ ձեւով եւ արտաքին հետախուզական ձեւերն ու մեթոտները նոյնպէս էական փոփոխութիւններ կ'ապրին։ Այս մասին կառավարութեան հերթական նիստի ժամանակ ըսած է վարչապետ Նիկոլ Փաշինեան։
«Կարեւոր է, որ մենք կարողանանք մեր կարողութիւնները տրանսֆորմացնել (վերափոխել) եւ զարգացնել ժամանակակից պայմաններին եւ պահանջներին համապատասխան։ Մենք տեսնում ենք, որ աշխարհում հետախուզական մեթոդները զարգանում են այնպէս, որ նրանք միշտ չէ, որ ուղիղ կապ ունեն զինուորական բնոյթի ծառայութեան հետ եւ այս առումով որոշում ենք կայացրել ստեղծել արտաքին հետախուզական ծառայութիւն՝ որպէս վարչապետին ենթակայ մարմին։ Ի հարկէ, սա այն թեմաներից է, որ շատ մանրամասներ չի սիրում, բայց միւս կողմից բաւարար չափով քննարկել ենք»,-ըսած է վարչապետը։
Փաշինեան յոյս յայտնած է, որ այսպիսով էականօրէն կը զարգանան երկրի արտաքին հետախուզական կարողութիւնները։
«Պէտք է նշել, որ գործող հետախուզական ծառայութիւնների «ստատուս քո»ն կը պահպանուի, իրենց կեանքում ոչինչ չի փոխուի այնքան ժամանակ, մինչեւ չհամոզուենք, որ նոր ստեղծուած արտաքին հետախուզական ծառայութիւնը կարող է կլանել այն գործառոյթները, որոնք իրականացւում են ԱԱԾ հետախուզութեան դեպարտամենտի (բաժնի) կողմից»,-ըսած է Նիկոլ Փաշինեան։
